VISITAS GUIADAS CENTROS DE ENSINO · 'HUMOR LÍQUIDO. XAQUÍN MARIN' ·

Achegádevos ao Auditorio de Galicia para percorrer a exposición 'Humor líquido' do recoñecido humorista gráfico, pintor, muralista e caricaturista Xaquín Marín (Fene, 1943) na que apreciar a obra orixinal deste artista en máis de 150 viñetas, debuxos e cadros que trazan un percorrido profesional e vital que abrangue máis de sesenta anos de profesión.

Pódense solicitar visitas guiadas breves ou visitas enriquecidas cun obradoiro de creación de viñetas.

VISITAS GUIADAS PARA CENTROS DE ENSINO: Para descubrir a exposición ábrense grupos de visitas conducidas por Óscar Senra e Xiana Iglesias da cooperativa cultural Maos.

VISITAS GUIADAS + OBRADOIRO PARA CENTROS DE ENSINO: Podes solicitar a visita á exposición enriquecida cun obradoiro creativo ao redor  da ilustración e da viñeta a cargo de Afra Torrado, escritora e artista que vén de recibir o premio Follas Novas pola súa banda deseñada 'Fago o que podo'.

INFORMACIÓN PRÁCTICA

• Dirixidas a centros de ensino, CEIPS e IES
• Visita de balde
• CEIPS + IES duración so visita guiada 30 min. aprox
• CEIPS duración visita + obradoiro 'Historia Malfeita' : 1 h 30 min (30 min. visita e 1 h de obradoiro). Historia malfeita consistirá na transformación colectiva dunha pequena historia onde o azar e o aleatorio terán un papel fundamental.
• IES duración visita + obradoiro 'Eu tamén son Gaspariño':  2 h (30 min de visita e 1 h e media de obradoiro). Eu tamén son Gaspariño! traballa a partir de problemáticas que o alumnado detecte no seu contexto, realizarán unha viñeta de denuncia social a través dun álter ego a partir do aprendido na visita guiada.
  Contidos adaptados a modo de xincana ou xogo de pistas
• Podes descargar para traballar no centro educativo o caderno de actividades para nenas e nenos de primaria

As visitas realizaranse mércores, xoves e venres desde o 14 de novembro ao 19 de decembro ás 10.00 e 12.00 h

• Escolle día e hora do teu interese no formulario
• Indica cal é a túa opción: visita guiada ou visita guiada + obradoiro
• Imprescindible inscrición previa no formulario
• Os grupos péchanse ás 14.00 h do día anterior a cada visita
• Núm. mínimo de persoas por grupo: 5
• Núm. máximo recomendable por grupo: 30
• Recibirás confirmación da túa reserva

>INSCRIBE O TEU CENTRO