Irene de Andrés & Javi Álvarez
Dopo la pausa
Dopo la pausa é o resultado dunha travesía polo Mediterráneo occidental seguindo a evolución da turistificación desde o escenario rpincipal do seu máximo expoñente: o cruceiro. Estas cidades flotantes que se deslizan de porto en porto como fichas de Air Hockey, ofrecen a través da fiestra do camarote un trvelling propiciado polo propio movemento do barco, que invita á contemplación reflexiva con referencias a outras películas basadas en cruceiros que navegan este mar tan cotizado. A banda donora da película foi composta e interpretada usando os pianos da Academia de España en Roma, e será executada en directo nesta sesión do Festival Curtocircuíto.
Irene de Andrés
Irene de Andrés naceu nun dos destinos turísticos máis desexados, a illa de Eivissa, o que inevitablemente lle levou a investigar a evolución do lecer e do propio significado da viaxe ao longo da historia, desde os primeiros colonos aos operadores turísticos. Balnearios, cruceiros e discotecas, son os escenarios crave para a artista que, a través de pezas fílmicas, escultóricas ou fotográficas, conforma viaxes a través do tempo e por distintas augas, nos que conecta diversos feitos históricos que nos fan reflexionar sobre o modelo de consumo turístico, especialmente deseñado para a clase obreira.
Javi Álvarez
Javi Álvarez é un artista e músico nado en Santiago de Compostela, cidade que conta con 96.000 empadroados e que no 2022 bateu o seu récord de turistas, superando o millón e medio de pernoctacións. No 2023 esta cifra aumentou un 33% por cento, e só na primeira metade do 2024 xa se pulverizaron ditas marcas.
I
