REAL FILHARMONÍA DE GALICIA
FÓRA DE ABONO
Baldur Brönnimann, director
Vasco Dantas, piano
George Antheil: Archipelago
Darius Milhaud: La Création du Monde, op. 81
Charles Ives: Three Places in New England
George Gershwin: Rhapsody in Blue
Coa participación do alumnado da EAEM
#1 (EN)FOCO
Os (EN)FOCO son concertos comentados que procuran achegar ao público as chaves musicais das obras interpretadas nun ambiente distendido. O primeiro deles achéganos a George Antheil, un excéntrico compositor norteamericano que traballou na industria cinematográfica, como correspondente e como inventor para poder dedicarse á música que desexaba, como é o caso de Archipelago, unha explosión de vitalidade melódica e rítmica. Prosegue o concerto cos sons africanos que inspiran o ballet La Création du Monde do francés Darius Milhaud. Nesta obra o saxofón intégrase para retratar o mundo estético dos felices anos 20 nos que emerxe con forza o jazz, igual que na Rhapsody in Blue, que se estreou en 1924 co propio Gershwin ao piano. O tamén norteamericano Charles Ives fixo en Three Places in New England un retrato sonoro da América deses anos, cos seus himnos patrióticos, melodías de igrexa e músicas de orixe popular enmarcados nunha linguaxe moi cromática, froito dun compositor autoesixente ao límite, que deixou de compoñer no máis completo esquececemento.
