XOGOS DO PAPORRUBIO

EN FAMILIA · XOGAMOS NA CASA!

Idade recomendada: de 1 a 12 anos
Duración: 2h 
Lingua: galego

OS XOGOS DO PAPORRUBIO

Os xogos do Paporrubio son un compendio de brinquedos autónomos e animados de temática agraria, que nos dá a coñecer un dos paxaros máis pequenos, rebuldeiros e cantaruxeiros da nosa fauna. O noso paporrubio, calzado cuns zoquiños, guía a nenos e maiores por unha eira chea de xogos. Os participantes nesta aventura terán que ir descubrindo como se xoga a algúns deles, mentres que se sorprenderán noutros grazas ás pequenas historias contadas e cantadas polos animais e habitantes da granxa, elaborados con xoguetes, marionetas e xigantes. A finalidade é facer accesible, a través da diversión en familia, unha cultura agraria que de por si adoita fascinar e marabillar. 

O ciclo 'Xogamos na Casa!" abre na Casa das Máquinas un espazo para se divertir en familia, para descubrir e redescubrir xogos e xoguetes cos que deixar voar a imaxinación e o tempo.