A TETEIRA DE KABUL

XAROPE TULÚ S.C.

(Monicreques)

Idade recomendada: 3º a 6 Primaria

Duración: 45 min

Lingua: galego

A Teteira de Kabul é unha obra de teatro de obxectos e monicreque de Xarope Tulú que fala do valor da paz. A súa protagonista é Mina, unha nena afgá que ten que abandonar o seu fogar como consecuencia da guerra. Xunto á súa familia emprende unha longa viaxe na que, a pesar das duras condicións, irá descubrindo a beleza do tránsito grazas ás historias que lle conta súa nai e que ela garda nunha teteira.

A Teteira de Kabul está baseada no conto homónimo de Carolina Pujadas e é unha coproducion de Xarope Tulú coa ONGD Asemblea de Cooperación pola Paz. A personaxe de Mina está inspirada na vida da escritora afgá Nadia Ghulam.