CINEUROPA · SECCIÓN OFICIAL · PANORAMA INTERNACIONAL
PHANTOSMIA / FANTOSMIA (2024)
Lav Diaz
Filipinas / 246 min / Ficción / Tagalo
Ficha artística:
Ronnie Lazaro, Janine Gutiérrez, Paul Jake Paule, Hazel Orencio
Ficha técnica:
Guión: Lav Diaz
Fotografía: Lav Diaz
Edición: Lav Diaz
Produción: Paul Soriano, Mark Victor, Lav Diaz, Bianca Trinidad
Sinopse:
O misterioso problema olfactivo de Hilarión Zabala reapareceu. Un especialista sospeita que se trata dun caso persistente de fantosmia, un cheiro fantasma, posiblemente causado por un trauma, por unha profunda fractura psicolóxica. A radical terapia recomendada para curar a doenza implica que Hilarión debe volver atrás e enfrontarse ás correntes máis escuras da súa vida pasada no servizo militar. Reasignado na remota colonia penal de Pulo, Hilarión terá tamén que confrontar as terribles realidades dese lugar.
Lav Diaz (Mindanao, Filipinas). É un dos nomes máis recoñecidos no circuíto internacional de festivais de cine. É director, guionista, produtor, editor, director de fotografía, poeta, compositor, deseñador de produción e actor. A súa película Melancolía (2008), unha historia sobre as vítimas das execucións sumarias, gañou o gran premio na categoría Horizontes do Festival de Venecia. No 2018 gañou o León de Ouro dese mesmo certame co filme A muller que marchou.
O festival de Venecia descríbeo como o “pai ideolóxico do novo cinema filipino”.
Seleccionada fóra de concurso no Festival de Venecia 2024
