CINEUROPA
SECCIÓN PARALELA· BRANDO FAI CEN ANOS. O ACTOR’S STUDIO, DEUSES E MONSTROS NA REVOLUCIÓN DAS EMOCIÓNS
THE PAWNBROKER / O PRESTAMISTA (1964)
Sidney Lumet
Estados Unidos / 116 min / Ficción / Inglés
Ficha artística:
Rod Steiger, Geraldine Fitzgerald, Brock Peters, Jaime Sánchez, Thelma Oliver
Ficha técnica:
Guión: Morton S. Fine, David Friedkin. Baseado nunha novela de Edward Lewis Wallant
Fotografía: Boris Kaufman
Edición: Ralph Rosenblum
Produción: Philip Langner, Roger Lewis, Ely Landau
Sinopse:
Sol Nazerman é un prestamista xudeu que sobreviviu ao holocausto e dirixe unha tenda de empeños no perigoso barrio de Harlem, en Nova York. Aínda que se enfronta decote a unha realidade dura, o seu verdadeiro tormento provén das desacougantes e dolorosas lembranzas dos campos de exterminio. O horror que viviu, onde presenciou a morte da súa muller e amigos, perségueo constantemente e non lle permite experimentar emocións ou medo no seu novo contorno. A súa existencia, marcada por un fondo sufrimento, converte a tenda non só nun lugar de negocio, senón tamén nun espazo de soidade e angustia.
Oso de Prata ao mellor actor (Rod Steiger) na Berlinale 1964
Mellor actor estranxeiro (Rod Steiger) nos BAFTA 1967
