Como colofón á exposición Ollos de vidro, o comisario Germán Labrador e a investigadora María Bella, axudante curatorial de Germán para este proxecto, convídannos a participar nun percorrido aberto ao público na que será a última oportunidade de ver a mostra da man dunha visita comentada.
Germán e María desenvolveron un proxecto que ben de ocupar a sala de exposicións do Auditorio desde o pasado mes de xaneiro, tomando como punto de partida a publicación 'Ollo de vidro' (Castelao, 1992) aquela obra que falaba das relacións entre os mortos e os vivos na cultura galega.
Un ollo de vidro poliédrico que durante estos meses convocou na sala de exposicións a artistas e autores participantes e que se foi enriquecendo con aportacións e miradas a que se suma nesta ocasión a de María Bella.
María Bella, Madrid, 1974, é investigadora e productora cultural. Desde 2015 vive e desenvolve a súa actividade en Corcubión, Costa da Morte (Galicia); e Doctora en Curatorial Knowledge (2019) e Master en Fine Art Administration and Curatorship (2000): Goldsmiths University.
Germán Labrador Méndez, Vigo, 1980 é profesor, investigador e comisario de arte, especializado en historia cultural da España Contemporánea. Actualmente asociado magister do Instituto de Lingua, Literatura e Antropoloxía do CSIC.
