Ollos de vidro continua a desenvolver actividades que afondan nas diversas capas de significado da mostra.
Germán Labrador Méndez, comisario da exposición e Xoán-Xil López, artista participante, realizarán unha visita aberta ao público que finalizará coa escoita da instalación sonora XI:
- 18.00 h Introdución á exposición 'Ollos de vidro' por Germán Labrador Méndez, comisario
- 18.30 h Introdución á escoita da instalación sonora XI, 2025 por Xoán-Xil López
- Escoita da instalación sonora XI, 2025
Germán Labrador Méndez, Vigo, 1980 é profesor, investigador e comisario de arte, especializado en historia cultural da España Contemporánea. Actualmente asociado magister do Instituto de Lingua, Literatura e Antropoloxía do CSIC.
Xoán-Xil López, Lugo, 1972 é artista sonoro e o seu traballo xira arredor da práctica fonográfica (gravación de campo) e da experimentación sonora, a través de instalacións, situacións inmersivas de escoita, composicións, performances e textos.
