O ÓRGANO SAE Á RÚA · L’ANNÉE DERNIÈRE À MARIENBAD

DATOS BÁSICOS

 

10ª EDICIÓN DO CICLO DE LUGARES E ÓRGANOS. MÚSICA E OUTRAS PAISAXES DE COMPOSTELA

O ÓRGANO SAE Á RÚA ·

PROXECCIÓN · L’ANNÉE DERNIÈRE À MARIENBAD (ALAIN RESNAIS, 1961)

 

De Lugares e Órganos ten unha nova cita co cinema na sala NUMAX. O órgano, como instrumento musical, deixou unha pegada no cinema moito máis fonda do que a simple vista se poida pensar. Ao longo destes anos foron xa varios os filmes que pasaron pola nosa programación cunha estreita conexión co mundo dos órganos en todas as facetas posibles. Un ano máis, pois, o órgano sae á rúa para ir ao cine. A película escollida desta volta, O ano pasado en Marienbad, de Alain Resnais, ten a singularidade de que a súa banda sonora foi composta para órgano por Francis Seyrig, e é precisamente a música un dos elementos que máis intensifica a sensación de ambigüidade e entresoño que caracteriza a cinta. A intérprete da música, Marie-Louise Girard, e o órgano no que esta foi gravada, o órgano do Oratoire du Louvre en París, contribúen a realzar a relevancia que o instrumento acada no conxunto dun filme cun elevadísimo interese cinematográfico.

Idioma: Francés

Subtítulos en galego

Duración do filme: 93 min

A proxección irá acompañada dunha pequena conversa para contextualizar a proxección e achegar as claves que permitan entender a conexión do filme co mundo do órgano.

Duración: 
2 h (aprox)
Acceso: 
  • Entradas dispoñibles na SALA NUMAX e na web numax.org 
Info práctica: 
Luns, 14 Abril, 2025
19:30
NUMAX