CINEUROPA · DOCS CINEUROPA
LA ESTAFA DEL AMOR (2023)
Virginia García del Pino
España / 75 min / Documental / Español
Ficha técnica:
Guión: Virginia García del Pino
Fotografía: Giuseppe Truppi
Edición: Ariadna Ribas
Produción: Mario Madueño, Fernando Franco, Jorge Caballero
Sinopse:
Un grupo de persoas, un tema para debater —a detención dun sedutor profesional— e a cámara sempre vixiante de Virginia García del Pino. La estafa del amor é a suma deses tres elementos, unha película en directo na que a premisa inicial permite lanzar unha reflexión colectiva sobre namoramentos, romanticismos e demais arestas do corazón humano. Rodado ao longo de dúas fins de semana na Cineteca de Madrid, o filme actualiza e reformula a Enquisa sobre o amor de Pasolini para abordar as relacións na era de Tinder e Instagram nun cruzamento de socioloxía, antropoloxía e cinema articulado arredor da figura dese sedutor.
Virginia García del Pino (Barcelona). Licenciada en Belas Artes pola Universidade de Barcelona, alternou o seu traballo en cinema con formatos como a performance ou a videocreación. A súa filmografía —que percorreu festivais como os de San Sebastián, FID Marsella, MiradasDoc, FIC Valdivia ou Mar do Prata, entre outros—, inclúe as curtas Mi hermana y yo (2009), Improvisaciones de una ardilla (2017) e Respirar, correr, mirar (2019), a mediometraxe Sí, señora (2012) e as longas El jurado (2012), Basilio Martín Patino. La décima carta (2014) e La estafa del amor (2023).
