CINEUROPA
SECCIÓN OFICIAL· EUROPEA · NOVAS/OS CINEASTAS
SECCIÓN PARALELA · O CORAZÓN DO CINEMA É A LIBERDADE
HENRY FONDA FOR PRESIDENT (2024)
Alexander Horwath
Austria, Alemaña / 184 min / Documental / Inglés, alemán
Ficha artística:
Robert De Niro, Henry Fonda, Jane Fonda
Ficha técnica:
Guión: Alexander Horwath
Fotografía: Michael Palm
Edición: Michael Palm
Produción: Irene Höfer, Andreas Schroth, Ralph Wieser
Sinopse:
Coa voz de Henry Fonda como guía, tomada da súa última entrevista en 1981, este filme-ensaio expón un percorrido pola historia política de Estados Unidos desde o seu acervo cinematográfico. Unha viaxe xeográfica e temporal que nos leva dunha costa a outra, de 1651 a 1976; a través dos personaxes aos que Fonda deu vida. As imaxes de arquivo contrastan coas que roda Horwath na actualidade, sinalando o declive do soño americano e imaxinando unha república de lugares, tempos e personaxes: os Estados Unidos de Fonda.
Alexander Horwath (Viena, Austria). Foi director da Viennale - Festival Internacional de Cinema de Viena e mais do Museo de Cinema de Austria. Traballou no programa de cine de Documenta 12 e noutros proxectos artísticos. Os seus ensaios e libros trataron temas como Josef von Sternberg, Ruth Beckermann, Guy Debord, o cinema de vangarda austríaco, a curadoría de cinema ou o cinema estadounidense dos 60 e 70. É membro da Akademie der Künste en Berlín e profesor na Universidade de Música e Artes Performativas de Viena. Henry Fonda for President é a súa primeira película.
Seleccionada no Fórum da Berlinale 2024
Premio especial Tempo de Historia na Seminci 2024
