CINEUROPA · SECCIÓN OFICIAL EUROPEA
DAHOMEY (2024)
Mati Diop
Francia, Senegal, Benin / 67 min / Documental / Francés
Ficha técnica:
Guión: Mati Diop
Fotografía: Josephine Drouin Viallard
Edición: Gabriel Gonzalez
Produción: Mati Diop, Eve Robin, Judith Lou Lévy
Sinopse:
En novembro do 2021 o goberno francés devolveulle á República de Benín 26 tesouros do Reino de Dahomey que saquearan as tropas coloniais francesas en 1892. Mati Diop documenta este traslado dándolles voz aos tesouros e reapropiándose da súa historia. Mentres tanto, na Universidade de Abomey-Calavi, os estudantes participan nun intenso debate sobre a restitución destas reliquias e sobre o impacto da cultura colonialista imposta, cuestionando o seu retorno a unha nación que avanzou sen elas.
Mati Diop (París, Francia). Cineasta e actriz que traballa tanto en Francia como en Senegal. As súas películas, formalmente atrevidas, exploran o exilio e a identidade, a memoria e a perda, empregando ferramentas tanto da ficción como do documental. Os filmes de Mati Diop evocan lugares afastados. Personaxes tanto ficticios como case documentais anhelan lugares alén do seu alcance ou, ás veces, como se estivesen en transo, avanzan magneticamente cara a eles. Tanto ten onde se desenvolvan as películas, sempre existe o espectro doutro lugar e, quizais con el, a posibilidade dunha vida diferente. Comezou coas curtas Snow Canon (2011) e Big in Vietnam (2012), ás que seguiron o documental A Thousand Suns (2013) e a longa Atlantique (2019).
Oso de Ouro da Berlinale 2024
