CURTOCIRCUÍTO 2024 · IVÁN TORRES · ANDRÉS RODRÍGUES · URHO · LIVE A/V

URHO é un proxecto performativo que parte do son e das imaxes gravadas polo artista audiovisual Iván Torres Hdez a bordo do crebaxeos do mesmo nome, buque insignia da frota Finlandesa. O complexo e profundo son das gravacións de campo son a base dunha paisaxe sonora interpretada en directo polos músicos e artistas sonoros Andrés Rodrigues e Xoán-Xil López, ademais de polo propio Iván Torres mediante o uso de sintetizadores e sistemas de radio aos que se engaden instrumentos construídos por Xoán-Xil. A peza ten un carácter de improvisación e de diálogo entre os tres artistas que reaccionan aos visuais onde se mesturan imaxes de estilo documental con animación en celuloide. A presenza impasible da tripulación contrasta co movemento constante e o son enxordecedor mentres o crebaxeos ábrese paso a través dun mar Báltico xeado rodeado dunha paisaxe case lunar.