Recomendado para 1º e 2º Primaria
Unha nova proposta de cine-concerto artellada por Caspervek Trío, que xa participou nas dúas pasadas edicións do programa.
SON, MÚSICA E ACCIÓN! é unha actividade didáctica e participativa, cunha carga a partes iguais da música e a montaxe audiovisual, e a posibilidade de interacción constante do alumnado presente na sala.
A través de escenas de longametraxes de animación coñecidas polos nenos/as, misturadas con outros contidos máis relacionados co cine clásico e silente, o concerto fará un percorrido pola relación e nexo narrativo e emocional entre o son, a música e a imaxe, o concepto de “banda sonora” e a función da música en dous eixos principais: como localizadora espazo-temporal e como enfatizadora da acción na pantalla
