CERIMONIA DE CLAUSURA + LES FANTÔMES/ A REDE PANTASMA

CINEUROPA · CLAUSURA

LES FANTÔMES / A REDE FANTASMA (2024)
Jonathan Millet
Francia / 106 min / Ficción / Francés, árabe, inglés
Ficha artística: Adam Bessa,  Tawfeek Barhom,  Julia Franz Richter, Hala Rajab
Ficha técnica:
Guión: Jonathan Millet, Florence Rochat
Fotografía: Olivier Boonjing
Edición: Laurent Sénéchal
Produción: Pauline Seigland, Nicole Gerhards, Julie Esparbes
Sinopse:
Hamid é un profesor sirio que foi forzado ao exilio pola brutalidade do réxime do seu país. Decide unirse a un grupo secreto dedicado a perseguir e capturar os líderes responsables da represión e sufrimento do seu pobo.  Despois de anos de dor e recordos indelebles, a súa misión lévao a Francia, onde segue o rastro dun home que simboliza o seu peor pesadelo: o seu antigo torturador, un oficial de alto rango que agora vive na clandestinidade. A loita de Hamid pola xustiza mestúrase cun desexo de vinganza que o consome.
Jonathan Millet (París, Francia) estudou filosofía antes de se embarcar nunha viaxe por máis de 30 países e de filmar en lugares como Sudán, Paquistán e Irán. Esta experiencia marcou profundamente o seu traballo como director. Millet dirixiu curtametraxes de ficción, como Et toujours nous marcherons e La veillée, seleccionadas en prestixiosos festivais, e mais documentais, entre os que se inclúen Ceuta, douce prison (2014) e Dernières nouvelles des etoiles (2018). Este filme é o seu debut na longametraxe.

Seleccionada para a sección Semana da Crítica do Festival de Cannes 2024