BONO CINEUROPA 2024
Canto custa o bono?
O bono ten un prezo de 30 euros e podes canxealo por 10 entradas.
É persoal? Ten límite de compra?
Non hai límite de compra e non é persoal. É dicir, podes mercar as 10 entradas para un mesmo filme e nunha mesma compra.
Onde o merco?
No despacho de billetes da Zona C (no Preguntoiro, 1), no do Teatro Principal ou nesta web.
Como merco o meu abono por internet?
Para mercalo por internet primeiro tes que estar rexistrada nesta web, algo que podes facer aquí. Unha vez rexistrada, entras co teu email e contrasinal e podes mercar o abono no enlace que aparece neste evento arriba á dereita e que pon MERCAR.
Cando o merques chegarache un correo electrónico co abono en pdf por se queres usalo nalgunha compra física na billeteira.
Se o queres usar para mercar as túas entradas por internet, abonda con que navegues pola web con normalidade e cando selecciones a película para a que queres mercar entrada elixas como forma de pago o Bono. Xa che irá descontando as películas ata gastalo.
Cada vez que canxees o bono, chegarache ao mail a entrada ou entradas correspondentes. Ademais, no teu perfil terás todos os teus movementos e bonos activos para coñecer que saldo che queda.
Teño que ensinar o bono na entrada da sala?
Non, non fai falta. O que tes que ensinar é a entrada do filme correspondente (impresa ou ensinándoa no teu dispositivo electrónico).
Podo usar o bono mercado por internet nas billeteiras?
Si, sen problema. Abonda con que leves impreso o bono que che faremos chegar ao teu mail ou simplemente con que nolo ensines no teu dispositivo electrónico.
Podo canxear o bono mercado na billeteira por internet?
Non. Iso non é posible porque ese bono é anónimo e polo tanto non está unido a ningún usuario da web. Ese bono só se poderá canxear nas billeteiras.
En que billeteiras o podo canxear?
Nas da Zona C e o Teatro Principal para os filmes de todas as salas do festival. Nas do Auditorio de Galicia, NUMAX para os filmes desa sala.
