BANDA MUNICIPAL DE MÚSICA DE SANTIAGO DE COMPOSTELA
(Música)
David Fiuza, director
Idade recomendada: Infantil, 1º e 2º Primaria
Duración: 50 min
Lingua: galego
Dende unha perspectiva literaria, a través do formato narrativo dun conto, entramos no “mundo da banda”, onde a música protagoniza unha historia na que o argumento ten por obxectivo achegarnos ao mundo sonoro das agrupacións bandísticas. Facémolo dotando de vida aos instrumentos, a modo de personaxes, e de maneira pedagóxica imos ir coñecendo os seus trazos característicos, funcións e roles dentro da agrupación de vento e percusión.
O formato narrativo resulta ser un apoio moi eficiente para a comprensión dos contidos musicais, materializándose a interpretación literario-musical a través da escenificación da man da actriz Cristina Collazo. Intentamos cativar así ás rapazas e rapaces para conseguir facelos partícipes activos da música, como elemento central da actividade.
