ANNELIE GAHL & MVSICA.PLAGENSIS · NASCE LA PENA MIA

DATOS BÁSICOS

10ª EDICIÓN DO CICLO DE LUGARES E ÓRGANOS. MÚSICA E OUTRAS PAISAXES DE COMPOSTELA

CONCERTO DE ANNELIE GAHL & MVSICA.PLAGENSIS

NASCE LA PENA MIA. CONCERTO PARA O TEMPO DA PAIXÓN

As Sonatas do Rosario, de Heinrich Ignaz Franz von Biber, son unha colección de 15 sonatas, compostas arredor de 1674 e escritas para violín e baixo continuo, mais unha peza final, a Pasacaglia. Trátase dunha das obras máis fascinantes do Barroco, inspirada nos Misterios do Rosario, unha devoción católica que contempla episodios clave da vida de Xesucristo e da Virxe María. Unha característica única destas sonatas é o uso da scordatura, unha técnica de afinación inusual para o violín, que lle permite crear timbres específicos cos que reflectir os sentimentos e outros matices dos diferentes misterios que representa. Esta técnica fai que as sonatas sexan excepcionalmente difíciles de interpretar, xa que a executante debe adaptarse constantemente a novas dixitacións, de aí a espectacularidade da obra. Annelie Gahl é unha violinista que ten gañado un gran recoñecemento internacional grazas ás súas gravacións para violín solo, que combinan repertorios clásicos e barrocos con pezas contemporáneas. Ademais, é colaboradora habitual da Camerata Salzburg e do Concentus Musicus Wien, no que traballou durante anos baixo a dirección de Nikolaus Harnoncourt. A interpretación das pezas estará acompañada do recitado do actor galego Luís Iglesia, quen declamará poemas do ciclo da Vida de María do poeta Rilke.

Annelie Gahl, violín

MVSICA.PLAGENSIS

Hans Brüderl, arquilaúde

Peter Trefflinger, violonchelo barroco

Ewald Donhoffer, órgano

Luís Iglesia, recitado

 

Duración: 
1 hora ( aprox.)
Acceso: 

De balde, previa retirada de convites (máximo 2 por persoa) a partir do mércores, 2 de abril

  • Despacho de billetes da Zona C. Punto de Información Cultural. De martes a sábado, de 11 a 14 e de 16 a 19 h. Tel.: 981 542 462
  • De non se esgotaren, tamén se poderán recoller o propio día da actividade no lugar onde esta se celebre desde unha hora antes do seu comezo. As invitacións serán válidas ata 10 minutos antes do inicio da actividade. A partir dese momento, a organización resérvase o dereito a empregar as localidades non ocupadas.
Info práctica: 
Martes, 15 Abril, 2025
20:00
Igrexa de Santa Clara