Teatro
Recomendado para alumnos de 3º, 4º, 5º e 6º Primaria
Cia.Pérez y Fernández
O Señor Hoppy, un home algo maior, moi tímido e amante das plantas está profundamente namorado en segredo da súa veciña, a Señora Silver, unha muller que vive acompañada da súa Tartaruga Alfie. A Señora Silver, está preocupada porque Alfie non aumenta de peso e crece moi amodiño…O Señor Hoppy verá niso a posibilidade de gañar o seu corazón.
Aguratrat é a adaptación teatral do libro “Esio Trot”, de Roald Dahl un dos autores máis lidos da literatura infantil universal (Charlie e a fabrica de Chocolate, James e o pexego xigante, Matilda, As Bruxas, Mr.Fox …) Nesta historia sobresaen dous importantes aspectos: o amor entre as persoas maiores e o amor ós animais. Ambos temas tratados con delicadeza e humor. Unha obra para público escolar e familiar que goste dos xogos de palabras, das tartarugas, dos seus maiores e das ideas orixinais e divertidas.
Ficha artística
Intérpretes: Victoria Pérez, Manu Fernández, Xosé Leis.
