CINEUROPA
SECCIÓN OFICIAL · PANORAMA INTERNACIONAL
SECCIÓN PARALELA · LATIDOAMERICANO
AGARRAME FUERTE (2024)
Ana Guevara, Leticia Jorge
Uruguai / 71 min / Ficción / Español
Ficha artística:
Chiara Hourcade, Victoria Jorge, Eva Dans
Ficha técnica:
Guión: Ana Guevara, Leticia Jorge
Fotografía: Soledad Rodríguez
Edición: Lucía Casal, Stephanie Tabárez
Produción: Agustina Chiarino, Hernán Olivera
Sinopse:
Adela, profundamente conmovida pola morte da súa amiga Elena, atópase atrapada nunha dor que parece non ter fin. Buscando consolo, e esgotada emocionalmente, retrocede nunha viaxe no tempo a un outono de hai dez anos, a unha casa na praia onde o tempo parece deterse. Alí, Elena e mais outra amiga, Luci, agardan por ela, listas para pasar un fin de semana perfecto, entre novelas de detectives, conversas ao pé da lareira e o son do mar de fondo. Este reencontro máxico ofrécelle a Adela a oportunidade de revivir momentos de felicidade compartida, de amizade profunda e sororidade que trascenden a morte e o paso do tempo. "Agárrame forte, non me deixes ir", pide Adela, mentres se enfronta á necesidade de se despedir e aceptar a perda, nun relato que explora o poder da memoria e o vínculo inquebrantable entre amigas que, malia todo, non desaparecen.
Ana Guevara (Montevideo, Uruguai) e Leticia Jorge (Montevideo, Uruguai). Directoras e guionistas que traballan xuntas desde 2004, tras estudar Comunicación Social na Universidade Católica de Uruguai. Comezaron con curtas, pero é con Tanta agua (2013), o seu debut nas longametraxes, cando conseguen un gran recoñecemento en festivais internacionais como a Berlinale ou San Sebastián. No 2019 tamén estrearon Alelí, que participou no Festival de Málaga e no Festival Internacional de Cine de Chicago e que tamén vai ser proxectada nesta edición de Cineuropa.
Premio Nora Ephron no Festival Tribeca de Nova York 2024
Candidata por Uruguai aos Premios Goya
