ABONO RFG · CICLO DE LIED
Olga Pasiecznik, soprano
Maciej Pilkulski, piano
Obras de Chopin-Viardot, Debussy, Duparc, Ravel, Szymanovski, Kossenko, Barvinskyi
CANCIÓNS DE AMOR E DE BERCE
O programa deste concerto convida a unha travesía musical pola rica diversidade da música clásica europea dos séculos XIX e XX. Obras que reflicten brillantez técnica e profundidade emocional, e nas que a sensibilidade lírica de Viardot se fusiona coa maxia do piano de Chopin, creando unha simbiose perfecta entre voz e instrumento pero tamén a sutil beleza do impresionismo francés da man de Debussy e Ravel. Esta viaxe explorará a riqueza das cancións de Duparc, que combinan poesía e música de maneira sublime e será completada cunha fascinante variedade de pezas que van desde as ricas paletas harmónicas e poéticas de Karol Szymanovski e Gabriel Kossenko, ata a profundamente lírica e folclórica de Vasyl Barvinskyi. Unha mostra da amplitude e pluralidade da música europea na que cada compositor achega a súa voz única ao coro da tradición musical.
