CINEUROPA
SECCIÓN OFICIAL EUROPEA · DOCS CINEUROPA
7291 (2024)
Juanjo Castro
España / 123 min / Documental / Español
Ficha técnica:
Producción e dirección: Juanjo Castro
Música: Jose Camacho
Tras a proxección, coloquio co director do filme, Juanjo Castro
Sinopse:
En xuño do 2020 iníciase na Asemblea de Madrid unha Comisión de Investigación sobre as persoas falecidas durante a primeira onda da pandemia do Covid-19 nas residencias de maiores da Comunidade Autónoma de Madrid (CAM). Segundo datos da CAM, nos meses de marzo e abril do 2020 faleceron 9470 persoas que vivían nestas residencias. Só 2179 delas recibiron atención hospitalaria e 7291 non tiveron derivación.
No 2021, a Presidenta da CAM, Isabel Díaz Ayuso, convoca novas eleccións. A nova maioría da Asamblea de Madrid decide non continuar cos traballos desa Comisión. En consecuencia, os máximos responsables políticos xa non se ven obrigados a declarar e a investigación queda inconclusa.
En setembro do 223, asociacións de afectados promoven unha Comisión Cidadá, presidida polo xurista José Antonio Martín Pallín, para continuar coa investigación sobre o acontecido nas residencias de maiores da CAM. Do goberno da CAM no 2020 só declarou Alberto Reyero, exconselleiro de Políticas Sociais.
Juanjo Castro (Valladolid, España). Comezou no mundo da curtametraxe e obtivo recoñecemento con Deseo oculto (1992). Máis tarde, traballou con diversas produtoras españolas e dirixiu series de televisión como Hospital Central e Yo soy Bea. Na actualidade, dedica o seu tempo á realización de vídeos corporativos e documentais. No 2022 estreou a súa primeira longametraxe, Lo que nunca te dije pero debería haberte dicho.
Estrea absoluta en Cineuropa 2024
