20 MOSTRA INTERNACIONAL DE CINEMA ETNOGRÁFICO
TRAZAS · SESIÓN 1
As sesións de Trazas, realizadas en colaboración co Cineclube de Compostela, percorrerán con humor e subversión das normas sociais o cinema dos anos 50 e o modelo colonial, que representa a simplificación e idealización da “civilización” fronte ao “salvaxe”; así como o cinema de finais dos años 80, que pon o foco no explorador ou estudioso occidental.
EN PROXECCIÓN:
Le retoir d'un aventurier · Moustapha Alassane
Under the men's tree · David e Judith MacDougall
BUBONG (Roofs of the world! Unit) · Kidlat Tahimik
LE RETOUR D’UN AVENTURIER
Moustapha Alassane
Níxer, 1966
34 min. VOSE
Jimmy, de volta dunha viaxe polos Estados Unidos, regresa ao seu pobo en Níxer. Trae traxes completos de vaqueiros do “lonxano oeste” como agasallo para os seus amigos. A partir de agora, vestindo segundo a mitoloxía americana, xa non se chamarán Kali, Ibrahim ou Boubakar, senón Black Cooper, James Kelly, Casse-Tout ou mesmo Reine Christine. E, tal e como imaxinan que é unha auténtica banda de vaqueiros, saquearán a rexión, enfadando aos aldeáns.
UNDER THE MEN’S TREE
David e Judith MacDougall
EUA, 1970
15 min. VOSG
1968, unha comunidade de gandeiros Jie en Uganda. A sociabilidade masculina desenvólvese nun campamento gandeiro Jie cando os homes se reúnen baixo unha árbore especial para conversar, relaxarse, durmir ou traballar en útiles de coiro. De súpeto, a conversación céntrase na posesión máis conspicua dos europeos, o vehículo de motor, e o valor relativo dos automóbiles e os homes.
BUBONG (ROOFS OF THE WORLD! UNITE!)
Kidlat Tahimik,
República de Filipinas, 2006
20 min. VOSG
A necesidade e a forma de construír un teito non é de ningunha maneira una cuestión teórica abstracta: “Todo home precisa ter un bo tellado!” Mentres o director Kidlat Tahimik viaxaba por todo o planeta, o que más lle chamou a atención é como a xente de todo o mundo construía as súas cubertas. A definición de Tahimik de “Terceiro Mundo” é: canto depende un da electricidade para vivir a vida. Canta menos dependencia, máis pertences ao “Terceiro Mundo”!
